Connect with us

Lokal

Yo kenbe paspò Wid pou 5 mil dola, fè l pa ka al jwe ak Zenglen

Published

on

Nan moman an, gwoup Zenglen ap fè yon vire won mizikal nan Leta Floride, nan peyi Etazini. Men, se san chantè vedèt li a, Widler Octavius. Wid, ki pou kounya nan peyi l, an Ayiti. Kisa ki lakoz?

Ebyen nan dat 3 mas ki sot pase a, Wid te fè yon aksidan machin nan zòn Okay. Chantè a pa t gen ankenn frakti grav. Men, machin nan pa t gen menm chans lan. Konpayi ki te lwe Atis la veyikil la, chans pou li, te kenbe paspò l pou garanti nan moman kontra a. Yo reklame 5 mil dola ameriken dedomajman avan menm yo remèt lid vokal Zenglen an dokiman vwayaj li a.

Se sòm lajan sa Sipèsta a poko ka jwenn ki fè l paka rejwenn gwoup li lòtbò dlo pou l fè travay li. Ta sanble, daprè enfòmasyon yon manb gwoup la founi Ticket Magazine, Zenglen pa deside ede anplwaye yo a paske yo jije tèt li di anpil. “Pa t gen nesesite pou Wid al an Ayiti sèlman pou l al pran plezi pandan dat kòmansman espetak nou yo pral rive a”, se esplikasyon enfòmatè Konfrè n yo ki pa vle non l site a founi.

Se Emynix k ap kenbe flanbo a poukont li devan dyaz la nan absans Wid.

Share
Continue Reading

Trending