Connect with us

News

Ken Fs trayi?

Published

on

Piblik la renmen yon atis pou kalite zèv li oubyen pou lign li kenbe. Lè se dezyèm rezon an, yo pa fasil konprann alevwa rive padone yon chanjman direksyon oubyen yon aksyon ki ta fè konprann sa. Mande Manzè ak Lòlò pou w wè.

Yon foto youn nan moun k ap jere karyè Kendy Saint Fleur, Ken Fs, pibliye aprè rankont yo avèk Biznisman Reginald Boulos, moun wè tankou yon eleman klas k ap domine (toupizi) a, fè anpil bat bouch sou rezo sosyal yo. Nan post la, Responsab la fè konnen Propriyetè chèn makèt la pral akonpanye Rapè Powèt Revòlte a nan karyè li. Koze sa fè anpil fanatik santi Atis yo a trayi yon koz.

Yon lòt kote, gen moun k ap itilize rezo sosyal ki fè konnen Ken Fs se vi l li chante, men li pa t janm pran pozisyon nan pwent tankou yon lòt Powèt Revòlte ki se D-fi. Mouche sila ki te menm rive chante : “Pèp la pa gen makèt, boule sa”.

Pou defann li, Ken Fs esplike li jwenn nan esponsò sa posiblite pou l kontinye egziste nan rap. “Mwen pa ta ka kontinye fè rap san yon goud avèk Madanm epi Pitit. Mwen t ap oblije yon jou touse pye pantalon m, kite rap pou m al chèche travay pou m fè. Lè sa nou t ap pale plis. Mwen pa kwè moun ki te konn ap mande m mizik sou WhatsApp yo ka kritike m”, se esplikasyon atis la.

Boutofen, enfòmasyon nou rive jwenn fè n konnen Ken Fs ta pran desizyon sa san konsiltasyon lòt Powèt Revolte yo, ki jan yo di l la, s on kolektif, men pa yon gwoup.

Continue Reading
Click to comment

Leave a Reply

Your email address will not be published. Required fields are marked *

Trending