Connect with us

Culture

Kèk atis met men nan batay la

Published

on

Nan yon piblikasyon sou paj Facebook li, Rapè ayisyen an Izolan envite tout atis parèy li nan yon mach dimanch k ap vini la pou mande Jovenel Moïse wete kò l sou pouvwa a. Mouvman sa Rapè Barikad Crew a batize « Lage pye w » ap derape devan lokal Rex.

« Yon peyi lock. Moun pa ka manje. Moun pa ka fè anyen. Tout moun nan Prizon lakay yo. Prezidan pa janm pale. Ou wè w pa ka dirije, lage pye w. Mwen resi pa kapab ankò. Mwen pral reyini ak lòt Atis pou yon mach dimanch. Lage pye w », se sa Atis la te ekri.

Yon lòt kote, yon gwoup Atis tout kalte, nan mitan yo gen moun tankou Rapè K-Libr ak Komedyen Jacques Adler Jean Pierre, reyini anba chapo Kolektif Atis Angaje (KATAN) pou batay nan yon lòt estil. Jou k ap madi 15 oktòb la, Atis sila yo ap reyini anba « vyadik » Dèlma a pou fè frès sou mi, chante, di pwezi, elatriye. Tout sa nan memwa moun ki tonbe pandan leve kanpe kont Chèf leta a.

N ap fè sonje yon pakèt Atis te sòti semenn pase yo yon nòt piblik la te mal resevwa. Nan nòt sa, Atis yo pa t mande yon fwa pou Jovenel Moïse kite pouvwa a jan lari a ap klewonnen li an. Atis yo te pito chwazi yon diskou kont sistèm, estriktirèl. Yon pozisyon ki te fè Komedyen Matyas vire do bay Konfrè l yo paske vwa l te nan minorite. Pou kouwèlyela, l ap fè wout la poukont li ak prezans nan manifestasyon yo epi pozisyon piman bouk sou rezo sosyal.

Diery MARCELIN

dierymarcelin@yahoo.fr

 

Continue Reading
Click to comment

Leave a Reply

Your email address will not be published. Required fields are marked *

Trending