Connect with us

News

Chalbare dèyè Micky

Published

on

Petèt Ansyen Prezidan an kòmanse regrèt konpòtman deplase li toujou genyen sou sèn. Anpil kote, sitou nan peyi Etranje, yo pa sispann rele chalbare dèyè Sweet Micky. Avan se te New-York, aprè avanyè la se te Canada, kounya se kout pa New Jersey (USA) pou yo di yo pa vle Sweet Micky pwodui espektak kote yo ye.

Ebyen Sweet Micky te dwe jwe samdi 15 jen ki sot pase a nan vil Union (New Jersey, USA). Otorite nan vil sa fòse pwomotè yo anile espektak la aprè demach anpil gwoup òganize nan kominote a. “Nou pa ka kite Micky vin pran plezi l nan desann pantalon la pandan Popilasyon an nan lari ann Ayiti pou mande lajan PetroCaribe a”, se deklarasyon ansyen Depite Ayisyen an Erntz Vilsaint, Pòt pawòl gwoup ki te tanmen demach yo.

Alòs, èske fwa sa, Michel Martelly pral bay eskiz viza a ankò tankou li te fè pou Canada ? Oubyen pral gen eskiz piblik pou kominote Ayisyen yo epi pwomès pou chanje konpòtman sou sèn? Antoulèka, jan nonm sa gwo kòlèt, yon sèl fwa nou te wè dezyèm ka a, se lè gwo patwon sektè ekonomik yo te egzije esplikasyon sou deklarasyon dife l yo ki konsène kèk gwo Chèn Otèl nan peyi, kote li te makonnen yo ak lajan PetroCaribe a.

Share
Continue Reading

Trending