Connect with us

RAP

Blaze One kase dan l fwa sa

Published

on

Menm jan ak ” Lèt Konsyans “, Blaze One apenn lage ” Kraze Lit la ” nan yon bon momenntòm. Atis la te espere alòs tout piblik la ta pral resevwa l byen menm jan an. Se te byen konte, mal kalkile.

” Kraze lit la ” se yon tèks kote Vètè a akize kèk pèsonalite tankou Atis, Jounalis, Politisyen, elatriye, kòmkwadire yo ta kraze batay yon gwo pati nan popilasyon an ap mennen kont pouvwa ki la kounya a. Si anpil obsèvatè dakò ak Rapè a, aksyon kèk aktè tankou Atis yo, ak mouvman ” Lage pye w “, Politisyen yo ak yon pati nan près la, fè lit la febli, kritik yo plis chita sou videyo a.

Alèkile, anpil itilizatè rezo sosyal nan reyaksyon yo montre yo pa konprann vizaj kèk moun ki parèt sou ekran yo lè y ap gade ” Kraze lit la “. Yo site Liliane Pierre Paul pou egzanp. N ap raple Blaze One salye Mèt Morin, youn nan figi prensipal pozisyon dan di radyo Zénith nan lit lan.

Rapè Doc Filah menm pa t mete dlo nan bouch li pou l eksprime sezisman l, lè l wè l parèt nan videyo a. Li fè Blaze One konprann li se yon sosyalis ” ki pa p janm pa nan kan pèp la”. Gen sila ki ale pi lwen pou di, avèk trak sa, “Blaze One kraze lit la”. Dimitry Vorbe fè n remake kijan fanatik pouvwa a ap pataje zèv sila a.

Diery Marcelin

dierymarcelin@yahoo.fr

Continue Reading
Click to comment

Leave a Reply

Your email address will not be published. Required fields are marked *

Trending