Connect with us

Culture

Ak plis pase 100 k abone sou Youtube, Jeff 3 Wa ap takinnen atis Ayisyen yo

Published

on

Koze 100 k abone sa ki fè YouTube remèt yon plak bay Yvenson Thélus, Jeff 3 Wa semèn pase yo, kontinye fè pale anpil. Pandan anpil moun ap felisite Aktè-Reyalizatè a, li chwazi antre nan kèk ti polemik.

Nan yon premye tan, se yon ti bout videyo sou paj li a ki envite Gracia Delva ak Izolan, ki nan yon challenge bòt chè, vini pito nan challenge pou gen plak 100 k abone sou YouTube.

Tankou sa pa t kont toujou, jou sa yo se yon karikati ki montre Aktè prensipal fim 3 Wa yo devan ak plak li epi plizyè atis Ayisyen byen lwen dèyè l, ki gaye toupatou sou rezo sosyal yo.

Kèk moun ta ka di, Jeff 3 Wa manke “fair play” pandan kèk ta ka menm di li pa gen imilite.

Yon lòt kote, premye atis ak komedyen Ayisyen ki rive nan nivo Abone sa sou YouTube la, avan sa, fè sonje jan anpil moun te konn dekouraje l lè l te fèk kòmanse pandan l sila yo ki te konn ankouraje l yo mèsi. “Mwen pa t manje yon goud nan 3 Wa 1 ak 2. Men mwen mare kè kanmenm pou m te kontinye”, se sa Reyalizatè 3 Wa 3 ki apenn sòti a fè konnen.

Share
Continue Reading

Trending