Connect with us

Konpa

Maestro Drasso kite Disip, Gazzman reyaji

Published

on

Maestro Drasso se pou kounya yon ansyen Mizisyen Disip. Li fè anons lan sou paj Facebook li. “Mwen di n mèsi paske n te ban m chans pou m jwe nan yon bèl ekip konsa. Pandan tan sa, mwen pran anpil eksperyans, mwen fè zanmi k ap la pou toutan epi mwen te gen posiblite fè sa m konn fè pi byen an ki se jwe mizik. Jan nou tout konnen l, nan tout eksperyans toujou gen bon tan epi menm jan sa te ye dènye jou sa yo, anpil difikilte tou. Mwen te toujou panse nou ka travèse difikilte sa yo pou n konsantre sou mizik nou renmen an. Malerezman, aprè anpil efò, mwen reyalize kite Disip ap pi bon pou mwen ak karyè mizisyen m. Mwen swete nou ak ekip la bon chans nan sa n ap gen pou n mennen nan tan k ap vini yo”, se konsa li te pale.

Chantè ak lidè gwoup la pa t pran tan pou reyaji. Yon reyaksyon ki pa gen menm elegans ak pa Drasso a. “Mwen se pitit Granmèt la. Mwen pa ka pè moun. Mèsi pou sèvis ou yo. Nou se Disip”, se pawòl Gazzman Couleur ki montre relasyon Drasso ak gwoup la pa fini byen.

Eske jan anpil moun fè kwè sa a, nou pral jwenn yon Maestro Drasso bò kote Dener Céide ak Réginald Cangé nan Zafèm? Se t ap yon gwo kou pou jenn fòmasyon mizikal la k ap bati pou kounya. N ap rete swiv.

Diery MARCELIN

dierymarcelin@yahoo.fr

Continue Reading
Click to comment

Leave a Reply

Your email address will not be published. Required fields are marked *

Trending