Connect with us

Culture

Wendy, 27 novanm tèt dwat?

Published

on

Nan mitan sitiyasyon ensekirite melanje ak grèv peyi a ap viv nan moman an, anpil moun gen dout sou dat 27 novanm nan pou vant siyati albòm “King rete King” Wendy a, jan sa te anonse a. Dout yo miltipliye lè gen mouvman grèv ki anonse pou lendi 26 ak madi 27 novanm k ap vini la.

 

Atis la sanble kenbe dat la malgre tout krent sa yo. Aswè samdi sa ankò, twa jou avan 27 novanm nan, King nan envite tout fanatik li, sou paj ofisyèl Facebook li, vin pran albòm “King rete King” sou plas Sentwoz, nan vil kè l la, Yogann.

Anpil fanatik, nan kòmantè yo, konseye rapè yo a, repouse dat la pou pridans. “Genlè se Prezidan an ki peye w pou w kraze grèv moun yo”, se blag youn nan follower yo.

 

Yon lòt kote, Wendy envite tout moun suiv li live sou Facebook, dimanch sa, 3zè. Èske li pral esplike rezon ki fè li kanmenm fè tèt rèd ak dat 27 novanm nan malgre tout bagay? N ap rete tann.

 

Diery Marcelin

 

dierymarcelin@yahoo.fr

Share
Continue Reading

Trending