Connect with us

Culture

« Prezidan pa pridan »

Published

on

Lè yon mòso nan kanaval la t ap pwomennen sou rezo sosyal yo, anpil moun te twonpe nan fè kwè se Vwadèzil. Petèt se pawòl piman bouk “Prezidan pa pridan…, si Prezidan te pridan li pa ta mache bay manti…”, ki te mennen moun panse konsa. Oubyen se te ti resanblans nan vwa de chantè yo. Men gwoup Fresh la pa konn lage san filtè konsa, toujou gen yon figi estil pou mete dout sou sans mesaj la. « Kanaval sa pa gen pwen, dirèk dirèk », lagè avèti pa touye kokobe, Jean Andy Pierre pale. Se Blayi One li ye, se pa yo.

Logo de la formation Blayi One

« Prezidan kot lajan ou t ap mete nan pòch mwen ? Ou touye m ou touye m ou touye m, ou touye m avèk manti. Prezidan kot manje ou t ap mete nan bòl mwen ?… », se koze sa yo ki ouvè mereng 2019  gwoup Blayi One nan ki gen pou tit « Prezidan pa pridan», pou poze kesyon sou eslogan kanpay Prezidan peyi a Jovenel Moïse. Se premye gwo kou pou kanaval la ane sila. Gwoup la, nan mereng plis pase 5 minit sila, mete devan konsekans bay manti ka genyen, sitou lè se yon otorite leta. « Manti ka fè katye popilè yo pi cho…Manti ka fè lè w pale pèp la pa tande… ».

Jean Andy Pierre, lead vocal du groupe Blayi One

« Kote kouran 24 sou 24 la ?», se nan mitan kèk kesyon, vwa ‘’Pral gen yon kouri’’ nan lane 2004 la, poze sou yon pakèt pwomès premye sitwayen nasyon an kontinye gaye toupatou menm pandan li rive sou pouvwa a. « Sonje pwomès se dèt ». « Tankou pou fè lokatè Palè nasyonal la sonje 4 eleman li te bezwen pou l ateri yo epi di l li pa gen eskiz alòs. « Ou mande tè a yo ba w tè a, ou pa fè anyen avèk tè a…dlo…solèy…moun…» Pawòl sa yo pouse gwoup Blayi One trete prezidan an “Blofè”. « Ou bay manti pou plezi », « Si Prezidan di kouri, ou pa bezwen kouri kanpe ».

Boutofen, Blayi One mete toutouni koze eleksyon machann k ap fèt isi. “Pa vote moun pou mil goud”. “Ti mesye” ban m bri yo mande pou yo kite yo bay bri nan lari a. “Kite m manifeste pou lajan PetroCaribe a”.

Avèk tout koze sa yo, Blayi One pa met espwa sou cha pou kanaval nasyonal la k ap fèt Gonayiv 3, 4 ak 5 mas, nan yon kontèks kote manifestasyon kiltirèl sila gen gwo pwa politik ki peze sou do l. Pou sa, se tèm Meri Pòtoprens lan « Respekte Lavi » Andie site. Nou espere wè gwoup la tou avèk siksè sa nan kèk vil pwovens tankou Kwadèboukè (22, 23 ak 24 fevriye) yo salye nan mereng lan.

Jean Andy Pierre sur scène

Diery MARCELIN

dierymarcelin@yahoo.fr

Share
Continue Reading

Trending